以前轉換唔倒的動作,現在大部份也做到了。

嘉希到慧橋兒童發展中心是上年三月,當時只得10個月大左右。接受職業治療7個月後,大部份的進度都追得上同齡小朋友,進度很好,很開心。記得當初嘉希六、七個月大,我覺得點解BB唔鍾意捉住玩具,床邊搖鈴也不多願意拿。到八、九個月,嘉希拿住一件物件都唔會多過5秒,而且不願意俾人捉手,還有,他會對高少少掉下來的玩具好驚,總之,很少事情都會害怕。另外,physically的發展亦好像跟不上同齡小朋友,首先,他爬行姿勢有問題,嘉希爬行時是肚貼住地下爬行,不能做四點跪的動作,臥變坐、坐變跪/站立等的動作都做不來。簡單來說,放好BB一個動作後,他很少而且好像不能轉換動作。

慶幸,有一位做職業治療師朋友提醒我嘉希的問題,她教我幫嘉希擦身同按手腳,情況改善了少許,至少可以捉玩具耐少少,但問題仍然多多。

小朋友一歲左右,帶左BB去鍾姑娘的中心做職業治療評估,原來嘉希有好多問題,主要係感統同肌肉低張,有觸感、聲音過敏,老實講,聽到之後完全無咩概念係咩,但知道如果唔理,後果好嚴重,真係好擔心。

鍾姑娘幫嘉希做訓練同教我們回家同BB做練習後,嘉希用手玩玩具有好大進步,好快就可學識拿、放東西,兩個月後就學識叠積木,到17個月已經識玩串線遊戲,之前經常會害怕的玩具也願意玩,甚至喜歡玩一些之前害怕的玩具。低張問題方面,訓練一個月倒已可以四點跪爬,15個月大可以完全放手站立,之前轉換唔倒的動作,大部份也做到了!

如果當初聽人講話小朋友發展有快有慢唔去正視,相信嘉希會有發展問題,接受了職業治療師鍾姑娘的訓練真係幫助咗嘉希好多!

嘉希媽媽
2014年7月23日

更多家長心聲
 

mother+son 01

Share Social